Njeriu më i pasur në Kinë dhe si e bëri pasurinë me ujë natyral
Kush është kinezi më i pasur? – Vetë pyetja është intriguese.
Në një mjedis të dominuar tradicionalisht nga ndërhyrja shtetërore dhe vlerat komuniste, Zhong Shanshan jo vetëm që arriti të ndërtojë një pasuri private kolosale, por edhe të jetë ndër njerëzit më të pasur në botë.
Si ia doli sot 71-vjeçari Sansan?
“Natyrisht”, siç i është përgjigjur duke buzëqeshur ato pak herë që është ekspozuar për publikun botëror. Kjo frazë do të thotë dy gjëra: së pari, se ai nuk kishte nevojë për ndonjë ndërhyrje nga jashtë, ai i fitoi paratë e tij me punën e tij dhe inteligjencën e tij.
E dyta dhe më e rëndësishmja, ai pa i pari dhe më mirë kalimin e botës drejt produkteve natyrale, hipi në… valë dhe u ngjit në majë.
Zhong Shanshan zotëron 84% të Nongfu Spring, kompania më e madhe e ujit në shishe dhe pijeve joalkoolike në Kinë.
Por edhe një aksioner kryesor i Beijing Wantai Biological Pharmacy Enterprise, një nga kompanitë më të mëdha biofarmaceutike në botë.
Produktet natyrale, në të cilat ai hodhi shortin në kohën e duhur, e bënë atë pronar të një pasurie që i kalon 60 miliardë dollarë.
Jo keq për një biznesmen që nuk ka mbaruar as shkollën e mesme dhe ka operuar në një mjedis ekonomik ku shteti konsiderohet kuazi ortak, në mos bashkëpronar.
