Ngjarjet e datës 24 tetor
Këto janë ngjarjet e planifikuara për datën 24 tetor 2023.
Në shënim të 14-vjetorit të punës së Gjykatës Kushtetuese, mbahet konferenca ndërkombëtare në temën “Kontributi i Gjykatave Kushtetuese në mbrojtjen dhe forcimin e vlerave themelore të demokracisë, sundimit të ligjit dhe të drejtave dhe lirive themelore të njeriut”. (Salla “Beethoven”, Hotel Emerald, ora 09:00)
Komisioni për Arsim diskuton me partnerë zhvillimorë dhe donatorë në lidhje me qëndrimet e tyre për reformën në arsim dhe aftësim profesional. (Kuvendi i Kosovës, ora 09:00)
Ministria e Financave, Punës dhe Transfereve (MFPT) lanson Projektin për Reformën e Sistemit të Asistencës Sociale (SAS) të Kosovës. Marrin pjesë ministri Hekuran Murati dhe drejtori i Bankës Botërore për Kosovë, Massimiliano Paolucci. (Hotel “Internacional Prishtina”, ora 09:30)
Vazhdon procesi gjyqësor ndaj Pjetës Shalës në Gjykatën Speciale në Hagë. (Ora 09:30)
Instituti D4D mban konferencën lansuese të “Monitorimi i çrregullimeve të informacionit në mediat online dhe sociale gjatë muajve korrik dhe gusht”. (Ora, 10:00)
INPO publikon raportin “Kuvendi Komunal i Ferizajt, në shërbim të pushtetit apo interesit qytetarë”. (“Ora, 10:00)
Ndërmarrja Publike Lokale “Hortikultura” mban konferencë për medie, ku do të shpalosë ndryshimin e emrit dhe identitetin e ri vizual të ndërmarrjes. (Rr. “Tahir Zajmi”, Prishtinë, ora 10:30)
Komisioni për Ekonomi shqyrton në parim Projektligjin për promovimin e përdorimit të burimeve të ripërtërishme të energjisë. (Kuvendi i Kosovës, ora 11:00)
Komisionerja e Agjencisë për Informim dhe Privatësi, Krenare Sogojeva-Dermaku, raporton në Komisionin për Çështje të Sigurisë dhe të Mbrojtjes. (Kuvendi i Kosovës, ora 11:00)
Tentohet për herë të pestë konstituimi i Komisionit Hetimor Parlamentar në lidhje me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore(ora, 13:00)
