Nesër do t’i jepet lamtumira e fundit infermieres Rejane Haziri
Ceremonia e varrimit të Rejane Hazirit, infermiere nga Gjilani, e cila ndërroi jetë më 22 shtator 2025 në moshën 40-vjeçare, do të mbahet nesër, më 24 shtator.
Këtë e kanë bërë të ditur familjarët e së ndjerës, duke shtuar se ceremonia do të mbahet në fshatin Malishevë të Komunës së Gjilanit, në ora 16:00, pas namazit të Ikindisë.
Kujtojmë që spitali i Gjilanit theksoi se Rejane Haziri do të kujtohet për kontributin e saj në profesion dhe për kujdesin e treguar ndaj pacientëve dhe komunitetit.
