Nënkryetarja e komunës pret në takim majorin e ri të KFOR-it turk
Nënkryetarja e Komunës së Gjilanit Leonora Morina Bunjaku, ka pritur majorin e sapo ardhur të KFOR-it turk, Arda Yatagan me bashkëpuntorë.
Nënkryetarja Morina-Bunjaku tha se temë qëndrore e bisedës në takim ka qenë planifikimi institucional i Komunës së Gjilanit për zhvillim dhe integrim.
“Përveç mirënjohjes dhe falënderimit për kontributin dhe përkrahjen e vazhdueshme të shtetit turk për vendin tonë, ne gjithashtu i njoftuam për planet dhe qëllimet tona për ndërtim, zhvillim dhe integrim të vendit”, tha nënkryetarja e Komunës.
