Nënkryetarja Bajralija pret në takim Shefin Ekzekutiv të “Eco-Higjena”
Nënkryetarja e Komunës së Kamenicës Arta Bajralija së bashku me Kryesuesen e Kuvendit Komunal Arbnore Beqiraj-Fera dhe Drejtorin për Shërbime Publike, Ambient, Inspektorat dhe Emergjenca Zotrim Kastrati, kanë pritur në takim sot, Shefin Ekzekutiv të kompanisë “Eco-Higjena” Senad Rama, Leonora Ajeti nga sektori i financave të kësaj kompanie dhe Shejnaze Masurica që është Menaxhere e Njësisë Komunale në Kamenicë.
Ata kanë diskutuar rreth bashkëpunimit që kjo kompani ka me Komunën e Kamenicës, si dhe për mundësitë tjera të bashkëpunimit, me qëllim që qytetari të marrë shërbime efikase e të shpejta.
Shefi i Kompanisë z.Rama ka sqaruar punën e bërë deri më tani nga kompania si dhe ka njoftuar Nënkryetaren rreth kapaciteteve aktuale të kompanisë.
Pa trajtuar nuk ka mbetur as çështja e tarifave, e cila kërkon bashkëpunim dhe zgjidhje të qëndrueshme, duke thënë se gjithnjë në kuadër të çdo vendimi në qendër të ketë interesin e qytetarit.
Drejtori Kastrati ka njoftuar z.Rama rreth punëve që drejtoria në fjalë po bën për zgjerimin e rrjetit sidomos në fshatin Busavatë, e cila ka qenë edhe kërkesë nga Kryetari Rahimaj.
Në të njejtën kohë ai ka paraqitur edhe shqetësimin e tij në kuadër të qasjes së kompanisë edhe në zona të thella, për të cilat kërkohet bashkëpunim edhe më i ngushtë në mënyrë që secili qytetar të marrë shërbimet e kompanisë.
Është vlerësuar lartë fokusi i komunës në projektin për Qendrën e Kompostimit, duke e bërë dallimin nga komunat e tjera, nismë kjo e re për Kamenicën, por shumë e dobishme.
Përgjatë takimit u kërkua nga Komuna për përcaktimin e delegatit në Bordin e “Eco-Higjena” në mënyrë që ky bashkëpunim të vazhdojë tutje.
