Në prag të ndeshjes së javes se dytë të Superligës, FC Drita ka mbajtur konferencën për media.

Në konferencë trajneri Akis Vavalis dhe futbollisti Albin Prapashtica folën për ndeshjen ndaj KF Lirisë.

Trajneri Akis Vavalis tha se nesër është një ndeshje e vështirë në udhëtim ndaj KF Lirisë, kemi bërë analizë për këtë ndeshje dhe kemi parë që ka disa lojtarë interesant, sidomos në repartin ofanziv.

Gjithashtu, duke parë që luajnë në stadiumin e tyre ku pritet të jetë i mbushur me tifozë dhe me entusiazmin që kanë pas inkuadrimit në Superligë, e bënë një ndeshje të vështirë.

Gjithashtu sa i përket ekipit të Dritës, ai theksoi se që nga fillimi i ndeshjes duhet të dëshmoj potencial dhe agresivitet dhe të tregoj që është ekip më i mirë se kundërshtari dhe favorit për këtë ndeshje.

Futbollisti Albin Prapashtica tha gjithashtu që Drita ka përballë një kundërshtar të vështirë. Gjithësesi ekipi i Dritës sipas tij, gjatë gjithë javes është përgatitur dhe ka analizuar këtë ndeshje, dhe se normalisht në Prizren udhëton për fitore.

Në kuadër të javës së dytë, FC Drita do të takohet me KF Lirinë në Prizren, të shtunën ora 17:00. Ndeshja zhvillohet në stadiumin Perparim Thaci.