Në prag të 30-vjetorit të gjenocidit, Osmani u ndan Medaljen Presidenciale të Meritës nënave të Srebrenicës
Në prag të 30-vjetorit të gjenocidit në Srebrenicë, Presidentja e Republikës së Kosovës, Vjosa Osmani u ka ndarë Medalje Presidenciale të Meritës, nënave të Srebrenicës, shkruan Reporteri.net.
Ndarja e këtyre medaljeve u bë në edicionin e tretë të Forumit Ndërkombëtar për Gratë, Paqen dhe Sigurinë që po zhvillohet sot dhe nesër në Prishtinë.
Para se ta ndante këtë medalje, e para e Kosovës iu drejtua atyre duke thënë se nënat e Sebrenicës kanë dhimbje që nuk përshkruhen me fjalë dhe humbje aq të thella sa asgjë në këtë botë nuk do të mund t’i maste ato.
“Por, një gjë është shumë e vërtetë: në zemër të kësaj vuajtje të thellë qëndron fuqia më e madhe që ka njohur ndonjëherë njerëzimi- e ajo është e nënës… Srebrenica është një simbol i tragjedisë që ka shkundur vetëdijen globale” – ka thënë Osmani.
Fjalimi i plotë i Presidentes Osmani në edicionin e tretë të Forumit për Gratë, Paqen dhe Sigurinë
02 Qershor 2025 | 13:56
Presidentja e Republikës së Kosovës, Vjosa Osmani ka thënë se nuk ka mision më fisnik sesa të sigurohemi që fëmijët e sotëm të mos e përjetojnë kurrë atë që kemi kaluar ne.
Presidentja Osmani ka shkruar:
“Nuk ka mision më fisnik sesa të sigurohemi që fëmijët e sotëm të mos e përjetojnë kurrë atë që kemi kaluar ne. Pikërisht për këtë arsye ekziston ky Forum: për t’i ngritur zërat që lufta u përpoq t’i shuajë; për t’i fuqizuar ata që refuzuan të thyhen; dhe për ta ndërtuar një të ardhme më të sigurt për të gjithë”.
