Ndërroi jetë në Zvicër aktivisti e sportisti, Njazi Zeqirovci – Bajqa, nga Mireshi
Ndërroi jetë në Zvicër aktivisti e sportisti, Njazi Zeqirovci – Bajqa, nga Mireshi i Komunes së Gjilanit.
Lajmi për vdekjen e aktivistit e ish-sportistit të shquar nga fshati Dobërçan i Komunës së Gjilanit, ka mallëngjyer pa masë familjarët, bashkëvendësit e tij si dhe të gjithë ata që e njohën.
Varrimi i të ndjerit do të bëhet të mërkurën në fshatin Miresh, njofton Shoqata e këtij fshati, “17 shkurti.CH”.
Njaziu ishte aktivist i devotshëm i kësaj shoqate, e cila njihet për aktivitetet e vazhdueshme në të mirë të këtij lokaliteti emblemë për pastërti e mirëmbajtje.
Lajmi i kobshëm ka prekur thellë edhe bashkëvendës e qytetarë të shumtë të cilët kanë reaguar në mënyra të ndryshme, duke i shprehur ngushëllime familjes së të ndjerit, ishte edhe ish lojtari i KF Studenti nga Mireshi, Ekrem Kryeziu.
“I mërzitur nga vdekja e mikut, bashkëfshatarit, ish- futbollistit, sportdashësit e aktivistit të madh Njazi Zeqirovcit. – Axhën Njazi – Bajqën kam pas fatin me njoftë personalisht në aktivitete sportive por edhe si shok të pandarë të babës tim. E kemi pasur mik të familjes. Zoti në xhehnet axha Njazi, do të na mungosh shumë , ndajmë dhimbjen dhe i shprehi ngushëllime familjes, shoqërisë dhe gjithë qytetarëve të Dobërçanit”, shkruan mes tjerash ai.
Njoftimi nga Shoqata “17 shkurti.CH”
Njoftim mortor
Sot u nda nga jeta bashkëfshatari ynë, Njazi Zeqirovci(Bajqa).
Njazia ka qenë një anëtar i devotshëm i shoqatës 17Shkurti.Ch, është njohur si një aktivist i pa shoq për të mirën e shoqërisë, ai ishte një prej donatorëve më të mdhenjë në konsolidimin dhe ecurinë KF Studentit, ai ishte prijës i shumë aksioneve në fshat në fusha të ndryshme.
Shoqata shpreh ngushëllime për vdekjen e Njaziut, duke u lutur që Zoti ta bëjë Njazin prej banorëve të Xhenetit.
Ngushëllime Familjes Zeqirovci, ngushëllime bashkëfshatarëve, dhe gjithë atyre që e kanë njohur Njaziun.
Falja e Xhenazes Neser 02.05.23 ora 15:00
Adressa
Im Hau 50
8053 Zürich.
Varrimi bëhet në varrezat e fshatit Dobërçan të Merkuren më 03.05.23 me namazin e Ikindisë
Shoqata 17Shkurti.Ch
