Ndërroi jetë Mexhid Foniqi, aktivist i dalluar i Shoqatës së të Verbërve të Kosovës

Përmes një njoftimi në faqen e saj, Shoqata e të verbërve të Kosovës ka bërë të ditur se ka ndërruar jetë Mexhid Foniqi, aktivist i dalluar shumë vjeçar i saj, si dhe bashkëpunëtor i veçantë.

I ndjeri ishte me origjinë nga fshati Miresh (Dobërçan) i Komunës së Gjilanit, kurse pjesën më të madhe të jetës së tij ka punuar e jetuar në Prishtinë, kurse një periudhë ka qenë drejtor Ekzekutiv i SHVK-së.

Përveç aktivist i jashtëzakonshëm i Shoqatës së të Verbërve të Kosovës, ai e ka udhëhequr këtë shoqatë vite me radhë, si Drejtor Ekzekutiv i SHVK-se, ndërsa, si një intelektual i dëshmuar është angazhuar në mënyrë të vazhdueshme për të gjithë personat me aftësi të kufizuara, thuhet përveç tjerash në telegramin e ngushëllimit të Shoqata e të verbërve të Kosovës, dërguar famijes së të ndjerit.

“Anëtari ynë dhe bashkëpunëtori z. Foniqi, do të mbahet mend si një intelektual i përkushtuar i cili ka dhënë kontribut të çmuar në Shoqatën e të verbërve të Kosovës por edhe për të gjithë personat me aftësi të kufizuara”, shkruan faqja zyrtare e shoqatës.

Njoftimi i plotë dedikues

Telegram ngushëllimi

E nderuara familje Foniqi,

Me dhimbje të thellë morëm lajmin për ndarjen nga jeta të bashkëpunëtorit dhe aktivistit shumë vjeçar të Shoqatës së të Verbërve të Kosovës dhe mikut tonë Mexhid Foniqi.

Anëtari ynë dhe bashkëpunëtori z. Foniqi, do të mbahet mend si një intelektual i përkushtuar i cili ka dhënë kontribut të çmuar në Shoqatën e të verbërve të Kosovës por edhe për të gjithë personat me aftësi të kufizuara.

Ngushëllime familjes, anëtarëve të Shoqatës dhe kolegëve e bashkëpunëtorëve të z. Foniqit.

U prehtë në paqe kolegu ynë