![Ndërpritet seria pozitive e Dritës, barazon në shtëpi me Lirinë](https://tvgjilani.com/wp-content/uploads/2023/10/391702112_903833527859048_8710982436254345982_n-1130x635-1-850x560.jpg)
Ndërpritet seria pozitive e Dritës, barazon në shtëpi me Lirinë
Drita është ndalur në barazim 1-1 para adhuruesve të tyre nga Liria e Prizrenit.
![](https://tvgjilani.com/wp-content/uploads/2024/04/vali-ranch-2.jpg)
Vetëm pas pesë minutave lojë vendasit krijuan epërsi, kur Muharrem Jashari asistoi bukur te Besnik Krasniqi i cili realizoi nga afërsia për 1-0.
Drita vazhdoi dominimin në pjesën e parë, teksa krijoi shumë raste të mira shënimi.
Padyshim që rasti më i mirë iu dha Blend Baftiut, por përkundër se kishte të lirë dy lojtarë u mundua të shënoj me parabolë përballë portierit Shala dhe dështoi.
![](https://tvgjilani.com/wp-content/uploads/2023/10/370280950_231734056576545_3256773078579430809_n-1.jpg)
Gjithsesi pjesa e parë përfundoi me epërsinë minimale të gjilanasve 1-0.
Edhe në pjesën e dytë Drita ishte ajo që kishte më shumë nga loja, kur në minutën e 66-të shënoi për 2-0 me Astrit Thaqin, por ky gol u anulua shkaku i pozitës jashtë loje.
Gjashtë minuta më vonë ishin mysafirët që dolën në një kundërsulm të shpejtë dhe Prins Tjiueza barazoi shifrat në 1-1.
Deri në fund përkundër insistimit nga skuadra gjilanase gola më nuk pati dhe rezultati përfundimtar ishte baras 1-1.
Drita vazhdon të mbetet në vendin e dytë me 22 pikë, katër më pak se lideri Ballkani, derisa Liria ndodhet e parafundit në tabelë me shtatë pikë. /
![](https://tvgjilani.com/wp-content/uploads/2023/11/libertas2.jpg)