NBA e ndëshkoi ashpër Dallasin për humbjen e qëllimshme ndaj Chicagos
NBA gjobiti Dallas Mavericksin me 750,000 dollarë për rrezikimin e integritetit të sportit, pra qëllimin për të humbur një ndeshje.
NBA nisi një hetim pas ndeshjes mes Chicago Bulls dhe Dallas që u luajt më 7 prill.
Në atë kohë, Dallas kishte ende një shans për t’u kualifikuar në play-off, por ata shkuan në lojë pa pesë lojtarë të rëndësishëm dhe Luka Doncic luajti vetëm 12 minuta. Mavericks e humbën atë ndeshje me rezultat 115:112.
Për shkak të dyshimit se Dallas qëllimisht pushoi lojtarët më të mirë për të pasur një pozicion më të mirë në draft, NBA nisi një hetim, pas së cilës Dallas u gjobit me 750,000 dollarë.
“Mavericks shkelën rregullat e ligës për pushimin e lojtarëve dhe ata e treguan këtë duke bërë deklarata publike që tregonin se donin të humbnin ndeshjen për të rritur shanset e tyre për të qenë në një pozicion më të mirë në raundin e parë të draftit të 2023”, thuhet në deklaratën e ligës .
Për rastin ka folur edhe Joe Dumars, zëvendëspresident ekzekutiv i NBA.
“Vendimi i Dallasit për të pushuar lojtarët kryesorë në ndeshjen vendimtare kundër Chicagos komprometoi integritetin e sportit. Veprimet e Dallas dështuan si tifozët ashtu edhe ligën”, ka thënë Joe Dumars.
