NBA, Denver vetëm një fitore larg titullit të parë (VIDEO)
Jo vetëm talent por edhe shumë personalitet. Denver Nuggets shkatërron Miami Heat edhe në finalen e katërt të NBA duke e çuar serinë në 3-1 dhe tashmë skuadra nga Colorado është vetëm një fitore larg titullit.
Mund ta festojë titullin e parë në shtëpi pas tre ditësh Jokic dhe shokët e tij që në Florida e mbyllën ndeshjen 108-95. Trofeu “Larry O’Brien” është shumë pranë për ekipin që mund të shkruajë historinë të hënën në orët e para të mëngjesit.
Në ndeshjen e katërt Denver mbrojti mjaft mirë ndërsa Aaron Gordon shënoi 27 pikë dhe Broën shtoi 21 të tjera për suksesin jetik në këtë fazë të finales.
