Nazim Gagica ia uron artistikisht ditëlindjen e 55-të kryetarit të AAK-së R. Haradinaj, me pikturën portret të Skënderbeut
Kreu i degës së AAK-së në Gjilan, Nazim Gagica, përmes faqes së tij në facebook, ka shkruajtur për vizitën që i ka bërë kreut të AAK-së Ramush Haradinaj, me ç’rat ia ka dhuruar pikturën/portret me figurën e Skënderbeut në sfond, të punuar nga Ramadan Arifi.
“I nderuar të isha në familjen Haradinaj me rastin e ditëlindjes së Ramushit. Meqë është portreti i heroit kombëtar, Gjergj Kastrioti – Skenderbeu, e punuar nga artisti gjilanas, Profesori ynë i nderuar, Ramadan Arifi, vendosa ta ndaj me ju miq fotografinë nga momenti i dhënies së dhuratës për 55-vjetorin e lindjes së kryetarit Haradinaj”, ka shkruar Gagica.
“I uruam shëndet e jetë të gjatë kryetarit Haradinaj dhe falenderuam pafundësisht për ngrohtësinë që na jep prej vitesh ai dhe familja Haradinaj sa herë që kemi qenë pjesë e shënimit të ngjarjeve edhe historike por edhe si kjo e fundit”, ka përfunduar së shkruari Gagica, duke i uruar jetëgjatësi kreut të AAK-së, z. haradinaj, me rastin e 55-vjetorit të tij të lindjes.
