Nagavci: Viti i ri shkollor nis më 1 shtator, nxënësit do të kenë edhe pushim vjeshtor

Ministrja e Arsimit, Shkencës, Teknologjisë dhe Inovacionit, Arbërie Nagavci ka bërë të ditur se viti i ri shkollor 2023/2024 do të fillojë më 1 shtator, dhe se nxënësit do të kenë edhe pushim vjeshtor.

Lidhur me tekstet shkollore, që doli si kërkesë e Komunave për shpërndarje sa më të shpejtë, ajo tha se gjatë kësaj jave do të japin detaje lidhur me furnizimin e shkollave.

Në një konferëncë për media, e para e MAShTI-t tha se ka parë anomali në kontratat për blerjen e teksteve shkollore.

Në konferencën për media, Nagavci po ashtu tha se tashmë kanë ndarë mjetet për blerjen e teksteve shkollore për nxënësit në Luginë të Preshevës.

Sipas saj, risia e këtij viti shkollor është pushimi vjeshtor.