Moti për javën e ardhshme në Kosovë
Instituti Hidrometeorologjik i Kosovës ka njoftuar se java e ardhshme do të nisë me diell dhe me vranësira, ku temperaturat minimale do të lëvizin ndërmjet 3-7 gradë celsius, e ato maksimalet ndërmjet 18-21 gradë.
Sipas IHMK-së, gjatë së hënës do të fryjë erë kryesisht nga drejtimi i jugperëndimit, e lehtë deri në mesatare. Ndërsa gjatë së martës temperaturat maksimale do të shkojnë deri në 23 gradë celsius.
Është paraparë të fryjë erë me shpejtësi 1-3 m/s.
“E mërkurë- Do të mbajë mot me diell dhe vranësira të pjesshme. Vranësirat gjatë pjesës së dytë të ditës vende-vende parashihen të sjellin riga shiu të intensitetit të dobët. Temperaturat minimale do të lëvizin ndërmjet 5-9 gradë Celsius, ndërsa maksimalet e ditës parashihen të lëvizin ndërmjet 17-20 gradë Celsius. Do të fryjë erë nga drejtimi i juglindjes me shpejtësi 1-7/m/s”, thuhet në njoftimin e IHMK-së.
Tutje, Instituti Hidrometeorologjik ka parashikuar se të enjten do të mbajë mot i vranët, ku temperaturat minimale do të lëvizin ndërmjet 5-9 gradë celsius, a maksimalet ndërmjet 20-24 gradë. Të premten do të mbajë mot i vranët dhe me riga shiu. Temperaturat minimale do të lëvizin ndërmjet 8-11 gradë celsius, ndërsa maksimalet ndërmjet 18-22 gradë.
“Do të fryjë erë nga drejtimi i jugperëndimit me shpejtësi 1-9 m/s”, thuhet në njoftim.
