Moti nesër/sot, e hënë 3 prill 2023, dhe ditëve në vazhdim!
Nesër/sot në Kosovë do të kemi ndryshim të motit me ardhjen e vranësirave që nga orët e mëngjesit, ndërsa reshjet e shiut pritet të fillojnë orëve të pasdites duke u intensifikuar orëve të mbrëmjes.
Erërat veriore do të vijnë duke u fuqizuar gradualisht duke ulur temperaturat, ndërsa në mbrëmje vonë ulje e theksuar e temperaturave.
Në mbrëmje priten reshje të dendura shiu të cilat me uljen e temperaturave gjatë natës do të shndërrohen në reshje bore. Vende-vende priten intervale reshjesh të dendura bore që do japin pamjen e një dimri klasik.
Në viset kodrinore-malore sidomos në malet e Sharrit priten reshje mjaft intensive bore ku trashësia e borës mund të arrijë deri në gjysëm metre. Reshje bore do të ketë edhe nëpër ultësira, madje në Rrafshin e Kosovës priten shtresa bore disa cm.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot plotësisht i vranët dhe me reshje shiu e bore, varësisht nga rajoni, temperaturat, relievi dhe pozita gjeografike që determinojnë llojin e reshjes atmosferike. Reshjet më të dendura priten në Maqedoninë Veriore, ndërsa në veri të Malit të Zi priten reshje intensive bore.
E Marta do të jetë ditë klasike dimërore me reshje bore në Kosovë, veri të Malit të Zi dhe disa vise të Maqedonisë së Veriut e Luginës së Preshevës. Në Shqipëri shumë më pak reshje, por në jug të vendit priten riga shiu e në lindje, juglindje, verilindje dhe veri priten reshje të herëpashershme, lokale bore.
Nga e mërkura na pret mot i ftohtë, me vranësira, intervale kohore me diell në disa rajone dhe po ashtu do të ketë edhe reshje sporadike të karakterit lokal.
Burimi i Lajmit: /METEOBALLKAN
