Moti nesër dhe ditëve në vazhdim! (09.01.2026.) E Premte

Gjatë natës pritet kthjellim i motit dhe acari do të jetë i fortë me temperaturat që do të zbresin deri në -9 gradë Celsius në pjesë të Kosovës, por duke mos përjashtuar mundësinë që në disa rajone ato të zbresin deri në -11 gradë Celsius.

Dita e premte pas acarit të fortë të mëngjesit sjellë vranësira të reja nga Mesdheu dhe reshje të pakta lokale të përziera, diku borë, shqotë, shi i ngrirë dhe shi. Në mbrëmje nga Dukagjini intensifikim e reshjeve të shiut rë cilat do të përfshijnë edhe shumë pjesë të Rrafshit të Kosovës. Për shkak të mundësisë së mbetjeve të ajrit të ftohtë në disa zona reshjet mund të jenë të përziera me borë dhe akull.

Erërat jugore dhe jugperëndimore do të ndikojnë në zbutjen e acarit dhe rritjen e temperaturave. Maksimalja pritet të arrijë deri në 5 apo 6 gradë Celsius kurse minimalet nga -4 deri në -9 gradë Celsius e në ndonjë rajon mund të jetë edhe më acar.

Në Shqipëri po ashtu vranësira të reja vinë nga Mesdheu me reshje të reja atmosferike. Fillimisht në shumë zona mund të ketë reshje kalimtare bore për shkak mbetjes së ajrit të ftohtë, pastaj vonë pasdite apo në mbrëmje në veri dhe veriperëndim priten rrebeshe të fuqishme shiu, vende-vende me vetëtima dhe bubullimë. Këto reshje do të shtrihen deri në zonat qendrore të vendit.

Në Maqedoninë Veriore e premtja sjellë mot me acar në mëngjes, por gjatë dites kryesisht pa reshje. Vetëm në perëndim e veriperëndim priten reshje lokale bore.

Në Mal të Zi reshjet fillojnë herët nesër në formë kryesisht bore të cilat pastaj shndërrohen në shqotë dhe shi, ndërsa në Luginë të Preshevës reshjet priten tek në mbrëmje vonë.

E Shtuna sjellë mot të vranët dhe me reshje të shpeshta atmosferike. Reshjet do të jenë shi nëpër ultësira e borë në viset malore, por në shumë zona mund të ketë reshje të përziera. Pasdite apo në mbrëmje pritet depërtimi i frontit të fuqishëm të ftohtë polar dhe shiu do të shndërrohet në borë menjëherë dhe do të krijohen shtresa të reja bore. Bora si zakonisht do të fillojë në veri dhe verilindje të Kosovës dhe pastaj do të shtrihet në viset tjera. Priten intervale reshjesh të dendura bore sidomos në kohën e depërtimit të frontit të fuqishëm të ftohtë polar, gjatë depërtimit të tij dhe pak pas. Pastaj, reshjet do të humbin intensitet gradualisht po depërtojnë temperatura mjaft të ulëta polare.

E diela vjen shumë e ftohtë dhe me reshje bore të herëpashershme. Nuk priten reshje të mëdha, por pritet dimër i vërtetë me erëra të ftohta dhe fjolla të shpeshta bore. Fillimi i javës së re me acar të fuqishëm dhe temperaturat minimale do të zbresin të paktën deri në -15 gradë Celsius në shumë rajone.

Fatmirësisht acari i fortë nuk do të zgjasë shumë dhe do të zbutet të martën gjatë ditës.//MeteoBallkan