Moti me shi, policia apelon për kujdes të shtuar në komunikacion
Policia e Kosovës u ka bërë apel shoferëve të jenë të kujdesshëm gjatë ngasjes së veturave në ditët me shi.
Përmes një videoje në Facebook, policia bën thirrje që të mbani distancën e sigurisë, të keni kujdes të veçantë ndaj mjeteve të transportit të udhëtarëve, dhe të shmangni frenimin e menjëhershëm.
Mot me intervale me diell e reshje shiu është paralajmëruar për sot në Kosovë. Ngjashëm do të jetë edhe gjatë vikendit, veçse temperaturat do të pësojnë rënie të theksuar.
