MKRS nuk ia financon festivalin për fëmijë, drejtoresha e festivalit “Molëkuqet” reagon me “fletërrufe”, i dërgon letër të hapur reaguese MKRS-së, z. Hajrullah Ceku
MKRS nuk ia financon festivalin për fëmijë, drejtoresha e festivalit “Molëkuqet” reagon me “fletërrufe”, i dërgon letër të hapur reaguese MKRS-së, z. Hajrullah Ceku.
Drejtoresha e Festivalit për fëmijë “Mollëkuqet”, profesoresha Arta Haziri Nuhiu, ka reaguar ndaj vendimit të MKRS-së, pasi ky institucion nuk e ka vlerësuar projektin e kësaj organizate për ta financuar festivalin në fjalë.
Përmes një letre të hapur në formë reagimi, profesoresha Arta Haziri Nuhiu, i është drejtuar vet ministrit Hajrullah Ceku, pasi nuk ëhstë marrë në konsideratë madje edhe ankesa e saj bazuar në afatet e ankimimit, përkitazi me thirrjen publike për OJQ dhe Individë, për projektet për Art, Kulturë dhe Trashëgimi Kulturore, kohë më parë.
“I nderuar Ministër: Duke sjellur në vëmendje çështjen e thirrjeve të fundit për art, kulturë dhe trashëgimi kulturore, ku në shpalljen e rezultateve të para jemi refuzuar për mbështetje financiare, si dhe pas rishqyrtimit të ankesës tonë, aktiviteti ynë kulturor nuk është rreshtuar në listën e aktiviteteve të mbështetura nga Ministria. Ne jemi të zhgënjyer plotësisht nga mungesa e mbështetjes financiare nga Ministria për festivalin internacional “Rising Stars”, pavarësisht nga përpjekjet tona maksimale, duke siguruar të gjitha dokumentet e nevojshme për aplikim dhe madje duke aplikuar me dokumente shtesë me qëllim të transparencës. Ne çdo ditë, bëjmë shumë punë dhe përkushtim për organizimin e festivalit , andaj mospërkrahja është një zhgënjim i madh për ne”, ka shkuar faqja e OJQ-së “Mollëkuqet”, në kuadër të së cilës organizohet festivali “Rising Stars”.
Më tej profesoresha haziri – nuhiu I ka bërë një përshkrim kronologjik vazhdimësisë së aktiviteteve ndër vite të këtij festivali për fëmijë dhe vet organiatës “Mollëkuqet”, duke mbështetur talentët e rinj në muzikë.
Postimi i Plotë:
Qendra Kulturore Artistike “Mollëkuqet” ka një histori të gjatë në ofrimin e programeve cilësore që promovojnë kulturën, artin dhe krijimtarinë. Vizioni ynë përputhet me qëllimet e Ministrisë dhe ne e kemi vendosur veten si një qendër jetike kulturore për komunitetin tonë. Ne ofrojmë një mjedis të sigurtë dhe gjithëpërfshirës për individët që të zhvillojnë formën e tyre të artit dhe kemi kontribuar ndjeshëm në avancimin e arteve në komunitetin tonë.
Pavarësisht potencialit tonë të qartë dhe angazhimit për përsosmëri, ne nuk kemi marrë fondet e nevojshme për të vazhduar operacionet tona. Besoj se kjo është një mundësi e humbur, jo vetëm për këtë qendër por për komunitetin tonë në tërësi. Kërkoj me respekt që ju, si Ministër përgjegjës për Kulturën, Rininë dhe Sportin, ta rishikoni këtë vendim dhe të siguroni financimin e nevojshëm për të mundësuar vazhdimin e punës sonë.
Jam e lumtur t’iu jap më shumë informacion rreth aktiviteteve dhe arritjeve tona.
“Mollëkuqet” funksionon si organizatë tash e 10 vjet. Është ideuar dhe themeluar nga Arta Haziri-Nuhiu. Krijimi i kësaj organizate erdhi si një dëshirë për të mbështetur talentet e rinj në muzikë, duke u dhënë atyre mundësi të ndryshme për të shfaqur talentin e tyre dhe për të përjetuar skena dhe eksperienca të natyrave të ndryshme brenda dhe jashtë vendit. Gjatë këtyre viteve, janë bërë sakrifica të mëdha vetëm që që kjo organizatë të mos shuhet, e që ta përkrah rininë në çdo moment.
“Mollëkuqet” dhe Rising Stars, si dy festivale, fillimisht kanë për qëllim zbulimin dhe promovimin e talentëve muzikorë brenda dhe jashtë trojeve shqip-folëse. Kjo ndërlidhet shumë mirë me zhvillimin e turizmit dhe promovimin e vlerave kombëtare që posedojmë, duke qenë se prej “Mollëkuqet” dhe “Rising Stars” kemi arritur ti sjellim rreth 25 shtete Kosovës, kështu duke realizuar dy festivale me përmasa të Eurovisionit. Garuesit sipas prirjes, dispozitave dhe interesimit individual zhvillojne shkathtesi te ndryshme per interpretim artistik ne kete aktivitet muzikor.
