Mirëseerdhe gjenerali Wesley Clark!
Gjenerali Wesley Clark udhëhoqi bombardimet kundër Serbisë, sot parakalon para Ushtrisë së Republikës së Kosovës. Sot në takim me Kurtin, Clark theksoi se : Kosova është histori suksesi për Shtetet e Bashkuara të Amerikës.
Shteti i Kosovës është miku më i madh i Shteteve të Bashkuara të Amerikës në Evropë, shtoi gjenerali Clark, teksa rikujtoi herën kur presidenti Bill Clinton, pas vizitës së tij të fundit në Kosovë, i kishte thënë se Kosova është gjëja më e mirë që e ka bërë gjatë presidencës së tij tetë vjeçare.
Ndërsa kryeministri Kurti e falënderoi gjeneralin Clark për udhëheqjen e tij në intervenimin vendimtar të NATO-s, kundër Jugosllavisë së Milosheviqit në pranverën ‘99, për funksionin dhe kontributin e pazëvendësueshëm të Shteteve të Bashkuara të Amerikës, dhe ritheksoi vendosmërinë e Republikës së Kosovës për të qenë anëtare e NATO-s. Përjetësisht mirënjohës .!
