![Miratohet në Kuvend marrëveshja për burgjet me Danimarkën](https://tvgjilani.com/wp-content/uploads/2024/05/burg-kosove-850x560.webp)
Miratohet në Kuvend marrëveshja për burgjet me Danimarkën
Kuvendi i Kosovës në seancën e sotme ka miratuar marrëveshjen me Danimarkën për Shfrytëzimin e Institucionit Korrektues në Gjilan me Qëllim të Ekzekutimit të dënimeve daneze.
![](https://tvgjilani.com/wp-content/uploads/2024/04/vali-ranch-2.jpg)
Traktati, i nënshkruar nga Ministrat e Drejtësisë të të dy vendeve më 26 prill 2022 në Prishtinë dhe më 16 maj 2022 në Kopenhagë, synon të përmirësojë kapacitetet dhe bashkëpunimin në fushën e drejtësisë penale midis Kosovës dhe Danimarkës.
Qeveria e Kosovës ka theksuar rëndësinë e këtij traktati, duke theksuar se ai do të kontribuojë në forcimin e marrëdhënieve bilaterale dhe do të ndihmojë në menaxhimin më efikas të dënimeve penale.
Institucioni Korrektues në Gjilan do të përdoret për të vuajtur dënimet e shtetasve danezë, duke lehtësuar kështu presionin mbi sistemin korrektues të Danimarkës dhe duke siguruar kushte të përshtatshme për të burgosurit.
Kujtojmë Kuvendi i Kosovës në mbledhjen e mbajtur më 16 maj nuk e kishte kaluar marrëveshjen me Danimarkën për burgje.
![](https://tvgjilani.com/wp-content/uploads/2023/11/libertas2.jpg)