![Mërgim Berisha debutoi për Gjermaninë në ndeshjen miqësore ndaj Perusë](https://tvgjilani.com/wp-content/uploads/2023/03/Screenshot_19-6-780x439-1.jpg)
Mërgim Berisha debutoi për Gjermaninë në ndeshjen miqësore ndaj Perusë
Sulmuesi shqiptar, Mërgim Berisha, ka debutuar te Gjermania, në miqësoren që kjo përfaqësuese po e zhvillon ndaj Perusë.
![](https://tvgjilani.com/wp-content/uploads/2024/04/vali-ranch-2.jpg)
Ai u inkuadrua në minutën e 76-të, kur Gjermania po fitonte 2-0.
FFK ka shpresuar gjatë që Berisha do të vendoste për Kosovën. Por 24-vjeçari e ka pranuar se ka ëndërruar të bëhet pjesë e përfaqësueses A të Gjermanisë.
Ëndrra iu realizua javën e shkuar kur mori ftesën nga përzgjedhësi Hansi Flick për dy ndeshjet e marsit.
Fanella e Gjermanisë nuk është e panjohur për Mërgim Berishën, pasi ai ka luajtur 13 ndeshje për U21 të Gjermanisë, ndërsa ka fituar titullin e Evropës për këtë grupmoshë.
![](https://tvgjilani.com/wp-content/uploads/2023/11/libertas2.jpg)