Menaxhmenti i Spitalit ka pritur në takim përfaqësuesit nga Policia e Kosovës

Drejtori i Spitalit të Përgjithshëm Gjilan Dr.Afrim Cana falënderoj përfaqësuesit e Policisë rajonale Gjilan për këtë takim pune dhe tha se ndihemi jashtëzakonisht mirë kur kemi vizita nga istitucionet shtetërore dhe jeni të mirëseardhur përherë në të gjitha shërbimet që ne ofrojmë.

Në emër të Spitalit të Përgjithshëm Gjilan them se ne jemi në shërbim të popullatës, përkushtimi jonë në ofrimin e shërbimeve cilësore shëndetësore nuk do të mungoj asnjëherë, kapacitetet që kemi pajisjet mjekësore burimet njerëzore, infrastrukturore do ti kemi në dispozicion të përhershëm për popullatën tonë.

Institucionet tona kanë disa marrëveshje bashkëpunimi të cilat do ti zbatojm në përpikëri.

Nga tani nuk do të ketë më listë të pritjes për policinë e Kosovës, në rast se ato formohen ne do ti trajtojm me prioritet të lartë.

Drejtori rajonale i policisë së Kosovës në Gjilan Z.Agron Rukiqi tha se bashkëpunimi jonë me Spitalin e Përgjithshëm Gjilan, QKMF dhe Shërbimin Spitalor Klinik Universitar është një bashkëpunim i plotë në të gjitha aspektet e në veqanti në rastet kur ne marim shërbime shëndetësore, ky bashkëpunim na mundëson që të jemi të mirë në të gjitha aspektet.

Policia e Kosovës ofron shumë shërbime me të cilat ju dalim në ndihmë institucioneve, qytetarëve dhe të gjithë atyre që kanë nevojë për shërbimet e policisë së Kosovës.

Në këtë takim u shprehen se shërbimet shëndetësore dhe shërbimet policore do të jenë në gatishmëri të plotë dhe bashkëpunim të përhershëm me të gjitha institucionet e Republikës së Kosovës, për të ju dalur në ndihmë të gjithë qytetarëve.

Urojmë që ky bashkëpunimin me policinë e Kosovës të jetë i vazhdueshëm, ku të dy institucione kanë qëllimin e përbashkët për të ofruar ndihmë dhe shërbime sa më mira për të gjithë qytetarët.