Mehaj konfirmon largimin nga Qeveria Kurti, tregon arsyen e dorëheqjes
Armend Mehaj ka dhënë dorëheqje nga pozita e ministrit të Forcës dhe Sigurisë së Kosovës. Ai në një prononcim për indeksonline e ka konfirmuar largimin nga Qeveria.
“Po, kam dhënë dorëheqje. Arsye familjare”, ka thënë shkurt ai.
Mehaj ka thënë se do të dalë shpejt me sqarim për media, përderisa vendin e tij pritet ta zë koloneli i Forcës së Sigurisë së Kosovës, Ejup Maqedonci
Gjithashtu, RTK ka raportuar se për Mehajn ende nuk dihet nëse do të transferohet në ndonjë pozitë në institucionet e Kosovës, apo do të kthehet në vendin ku ka jetuar e punuar në Norvegji.
