Brad Pitt ka paditur ish-bashkëshorten Angelina Jolie.
Brad Pitt ka paditur ish-bashkëshorten Angelina Jolie, duke e akuzuar se ka shitur ilegalisht pjesën e saj të pronës së tyre franceze, Château Miraval, ku u martuan në vitin 2014. Pitt pretendon se ata kishin rënë dakord që asnjëri nuk do të shiste pjesën e tij pa marrëveshje nga pala tjetër.
Por Pitt pretendon se Jolie ia shiti pjesën e saj biznesmenit rus, Yuri Shefler, pa lejen e tij.
Dokumentet e gjykatës, të depozituara në Gjykatën e Lartë të Los Anxhelosit, thonë:
“Jolie e përfundoi shitjen pa dijeninë e Pitt, duke i mohuar Pitt të drejtën e pëlqimit që i detyrohej atij dhe të drejtën e refuzimit që subjekti i saj i biznesit i detyrohej atij. Ajo e shiti interesin e saj me dijeninë dhe qëllimin që Shefler dhe bashkëpunëtorët e tij do të kërkonin të kontrollonin biznesin të cilit Pitt i ishte përkushtuar dhe të minonin investimin e Pitt në Miraval.”.
Pasuria Miraval ndodhet në fshatin Correns në rajonin Provence-Alpes-Côte d’Azur në Francën juglindore. Rezidenca me 35 dhoma është e rrethuar nga kopshte, shatërvanë, ujësjellës, një pellg, një kishëz dhe një vresht në të cilin Pitt thotë se ka investuar një sasi të madhe parash.
Pitt e zhvilloi vreshtin në Miraval në një biznes miliona dollarësh dhe një nga prodhuesit më të mirë në botë të verës roze. Por dokumentet e gjykatës thonë se, në vitin 2013, “Jolie nuk dha më kontribute për rinovimet, ndërsa Pitt vazhdoi të investonte miliona dollarë”.
Jolie dhe Pitt e blenë pronën në vitin 2008 për 28.4 milionë dollarë, me qëllimin për të rritur fëmijët e tyre atje dhe për të ndërtuar një biznes familjar të verërave. Çifti u martuan atje në vitin 2014, por në 2019-ën u ndanë. Dhe ndërsa divorci i tyre i rrëmujshëm është finalizuar, Brad dhe Angelina janë ende të përfshirë në beteja gjyqësore për kujdestarinë e fëmijëve dhe pasuritë e tyre të konsiderueshme.
