Medreseja “Alaudin” në Gjilan me aktivitete të ngjeshura në fushatën “16 ditët e aktivizmit kundër dhunës në familje”
Në vazhdën e aktiviteteve të parapara, Shkolla e Medresesë “Alaudin”, paralelja e ndarë në Gjilan, ka mbajtur një takim organizativ vetëdijësues, në kuadër të aktiviteteve “16 ditët e aktivizmit kundër dhunës në familje”.
Si pjesë e tërësisë strukturore të programit të organizuar, fillimisht është prezantuar nxënësi Uvejs Ajeti nga ky institucion me lexim të pjesëve nga Kurani, ndërsa më pas koordinatorja Merita Borovci ka përgëzuar nxënësit për organizimin e aktivitetit, duke ua përcjellur njëherit mesazhin përshëndetës nga drejtori i shkollës, Fadil Hasani.
Në kuadër të aktivitetit te radhës, para të pranishmëve u prezantua filmi dokumentar që mëtonte e shpërfaqte si temë rëndësinë e sensibilizimit kundër dhunës në familje.
Sic është bërë e ditur nga koordinatorja Borovci, filmi është përgatitur nga vet nxënësit e shkollës, gjegjwsisht atyre tw klasws X/8, Anesa Mustafa, Nejla Bytyqi, Amra Idrisi dhe Sumeja Kozhani, ndërsa më pas është shfaq dokumentari i radhës, i realizuar strukturalisht e përmbajtësisht nga nxënësi i kësaj shkolle, Sufjan Murati.
Shfaqja e dy filmave dokumentar nuk ishte e tëra sa i përket program sensibilizues kundër dhunës në familje, ngase më pas u prezantuan edhe ese e poezi nga ana nxënësve, të cilat u lexuan dhe deklamuan nga Andi Mehmeti X/7, (ese), si dhe Marijona Foniqi e Sunja Gubetini, të cilat u prezantuan me poezi të përgatitura me kujdes enkas për këtë organizim.
Në pjesën e fundit kuptim dhe mesazhe të qarta temës i dha Dr. Florentia Tërmkolli nga Departamenti i Gruas së Kryesisë së Bashkësisë Islame të Kosovës, e cila përmes ligjëratës së saj solli modelin e njeriut më të zgjedhur që njohu historia e njerëzimit, Muhamedit a.s, si shembulli më i mirë i një familjari të përsosur, njofton faqja zyrtare e medreses “Alaudin” në Gjilan.
