![“Më gëzon fakti që i gjeta mirë” – Mustafa i viziton ish krerët e UÇK-së në Hagë: Uroj që nga ky proces, i iniciuar nga konstruksionet e rrejshme ruse-serbe të fitojë drejtësia](https://tvgjilani.com/wp-content/uploads/2022/11/LDK-konference-100-dite-qeveria-KURTI-Shqipe-Mjekiqi-foto-Ridvan-Slivova-11-1-850x560.jpg)
“Më gëzon fakti që i gjeta mirë” – Mustafa i viziton ish krerët e UÇK-së në Hagë: Uroj që nga ky proces, i iniciuar nga konstruksionet e rrejshme ruse-serbe të fitojë drejtësia
Ish kryeministri Isa Mustafa i ka vizituar ish krerët e Ushtrisë Çlirimtare të Kosovës, Hashim Thaçin, Kadri Veselin e Jakup Krasniqi në Hagë.
![](https://tvgjilani.com/wp-content/uploads/2024/04/vali-ranch-2.jpg)
![](https://tvgjilani.com/wp-content/uploads/2022/11/309032832_633027728534369_3426353512805410506_n-1-14-2.jpg)
Mustafa në një postim në Facebook shkruan se e gëzoi fakti që i gjeti mirë, derisa uroi që nga ky proces, që u iniciua nga konstruksionet e rrejshme ruse-serbe në Raportin e Dick Martit, të fitojë drejtësia.
Lexoni të plotë postimin e Mustafës:
Miq të nderuar
Në fillim të kësaj jave vizitova ish krerët e UÇK-së dhe drejtuesit e institucioneve më të larta të Republikës së Kosovës për një kohë të gjatë dhe shumë të rëndësishme të shtetndërtimit, Presidentin Hashim Thaçi, dhe kryeparlamentarët Kadri Veseli e Jakup Krasniqi, të cilët po mbahen bashkë me luftëtarë tjerë në paraburgim në Hagë.
Më gëzoi fakti që i gjeta mirë, të mbushur me idealizëm; të bindur në pafajësinë e tyre dhe luftën e drejtë të UÇK-së, të gatshëm për të mbrojtur të vërtetën.
Mund të jem pajtuar apo të mos jem pajtuar me njërin apo tjetrin për konceptet partiake e të qeverisjes, por është e pamohueshme trimëria dhe kontributi i tyre në mbrojtjen e popullatës në zonat më të ashpra të luftës dhe zëdhënien për masakrat çnjerëzore nga ushtria dhe shteti i Millosheviçit, ashtu siç është i pamohueshëm edhe kontributi për paqe në Konferencën e Rambujesë, në transformimin e UÇK-së menjëherë pas lufte, në negociatat e Vjenës për shtet të pavarur, në shpalljen e pavarësisë dhe në ndërtimin e institucioneve demokratike.
Uroj që nga ky proces, që u iniciua nga konstruksionet e rrejshme ruse-serbe në Raportin e Dick Martit, të fitojë drejtësia!.
![](https://tvgjilani.com/wp-content/uploads/2022/11/Annotation-2022-11-05-104104.jpg)
![](https://tvgjilani.com/wp-content/uploads/2023/11/libertas2.jpg)