Me 10 medalje në Strugë – sukses i madh për Klubin e Xhudos “Gjilani”
Në një garë të fortë dhe të mbushur me emocione në Strugë, sportistët e Klubit të Xhudos “Gjilani” shkëlqyen duke treguar përkushtim, teknikë dhe shpirt luftarak. Këto janë rezultatet dhe fjalët për secilin prej tyre, sepse çdo medalje e fituar është një histori suksesi:
Isra Halimi – Një talent i jashtëzakonshëm që sfidoi veten në dy kategori dhe u shpërblye me dy medalje të arta! Me luftëra të pastra, duke fituar të gjitha me ippon me 7 luftëra, Isra vazhdon të tregojë klasë dhe përgatitje të lartë. E ardhmja është e saj!
Rilind Sylejmani – Luftëtar i palodhur që fitoi dy ndeshje me ippon, duke zënë vendin e dytë. Pavarësisht një humbjeje, Rilindi tregoi karakter dhe përkushtim, duke dëshmuar se është gjithmonë i gatshëm të përparojë.
Luan Berisha – I vendosur dhe i disiplinuar, fitoi vendin e dytë dhe premtoi se do të punojë edhe më shumë për të sofistikuar teknikat e tij. Ky është vetëm fillimi për Luani!
Sumea Ramadani – E jashtëzakonshme në dy kategori të ndryshme, fitoi dy medalje të bronzta. Sumea po shndërrohet në një shtyllë të fortë të ekipit dhe shembull për të gjithë vajzat e reja në judo.
Agnesa Berisha – E kurajshme dhe luftëtare, fitoi vendin e tretë duke treguar aftësi dhe shpirt të pathyeshëm. Edhe pse pësoi një lëndim në fund, fatmirësisht ishte pa pasoja të mëdha. Agnesa është gjithmonë e fortë!
Bardh Maliqi – Me dy fitore me ippon, Bardhi siguroi vendin e tretë dhe tregoi edhe një herë se ka cilësi të një kampioni të vërtetë. Jemi krenarë për të dhe progresin e tij të vazhdueshëm.
Ylljeta Sylejmani – Me dy luftëra të fituara me ippon, Ylljeta u stolis me një medalje të bronztë, duke reflektuar guxim dhe teknikë të pastër. Ajo po shndërrohet në një yll të ri të klubit tonë!
Stina Fejzullahu, me tri lufta të forta, u stolis me vendin e tretë dhe shkëlqeu në përballje të ashpra.
