Mbledhja e përbashkët – Kurti pret me ceremoni zyrtare delegacionin maqedonas
Kryeministri i Kosovës, Albin Kurti, ka pritur këtë të hënë homologun e tij nga Maqedonia e Veriut, Hristijan Mickoski, së bashku me delegacionin e tij.
Ceremonia e pritjes është duke u zhvilluar në Prishtinë, ku pastaj do të zhvillohet një takim i përbashkët mes dy qeverive.
Pas ceremonisë, Qeveria e Kosovës dhe e Maqedonisë së Veriut do të mbajnë një mbledhje ndërqeveritare, e cila pritet të nisë në mesditë.
Në këtë mbledhje, pritet të nënshkruhen disa marrëveshje dypalëshe.
Në vazhdim të vizitës, kryeministri Kurti dhe homologu i tij Mickoski do të mbajnë një konferencë të përbashkët për mediat, e cila pritet të zhvillohet rreth orës 14:00.
Pas takimit, të dy liderët do të japin deklarata për mediat.
