Mbahet takimi letrar “Esad Mekuli”
Lidhja e Shkrimtarëve e Kosovës për të trembëdhjetën herë organizon takimin letrar “Esad Mekuli”, që mbahet përvjet për nder të ditëlindjes së shkrimtarit në Prishtinë, në lokalet e LSHK-së, rr. “Jashar Salihu”, Kulla e zotnisë.
Pas dymbëdhjetë vjetësh, kete viti nuk përkrahet nga Ministria e Kulturës e Republikës së Kosovës!? Nuk jepet çmimi tradicional letrar “Esad Mekuli” për mungesë mjetesh!?
Në këtë manifestim letrar-artistik është paraparë sesioni letrar-shkencor “Poezia sot…”, “Vepra e hapur” – përurimi i tetë veprave letrare e publicistike dhe akademia letrare, në të cilën punimet e tyre do t’i lexojnë shumë krijues.
Për punimet e paraqitura në TL “Esad Mekuli” jepen tri çmime letrare – “Bardi I”, “Bardi II” dhe “Bardi III”, ndërsa nuk jepet çmimi tradicional letrar “Esad Mekuli” për mungesë mjetesh, sepse Ministria e Kulturës e Republikës së Kosovës nuk i ka përkrahur fare sivjet veprimtaritë e LSHK-së!? Në këtë kuadër jepen edhe pika muzikore artistike.
Për shkak të mungesës së mjeteve nuk janë ftuar shkrimtarë jashtë Republikës së Kosovës, siç veprohet përherë.
