![Mbahet punëtoria për hartimin e Strategjisë së Zhvillimit Ekonomik Lokal](https://tvgjilani.com/wp-content/uploads/2024/06/448787254_799545768948087_3919834955404310340_n-850x560.jpg)
Mbahet punëtoria për hartimin e Strategjisë së Zhvillimit Ekonomik Lokal
Është mbajtur punëtoria për hartimin e Strategjisë së Zhvillimit Ekonomik Lokal 2024- 2031.
![](https://tvgjilani.com/wp-content/uploads/2024/04/vali-ranch-2.jpg)
Enver Shabani, drejtor për Zhvillim Ekonomik, tha se ky është takimi i dytë i diskutimeve.
“Shpresojmë të bëjmë një strategji të mirëfilltë për zhvillimin ekonomik lokal, me qëllim të rritjes ekonomike dhe zhvillimit”, tha drejtori Shabani.
![](https://tvgjilani.com/wp-content/uploads/2024/06/448547727_799546068948057_2681013979881309890_n.jpg)
Nënkryetarja Leonora Morina Bunjaku, ka përshëndetur të pranishmit në emër të kryetarit të Komunës së Gjilanit.
Ajo tha se hartimi i kësaj strategjie do të ndihmoj në zhvillimin ekonomik të komunës.
Më tej Morina Bunjaku, shtoi se kjo strategji po bëhet në harmoni me dokumentin e programit kombëtar për Zhvillimin Ekonomik Lokal 2030.
Bahti Dogani, zyrtar nga Ministria e Administrimit të Pushtetit Lokal, ka përgëzuar Komunën e Gjilanit, për hartimin e kësaj strategjie.
“Ēshtë obligim i të gjitha komunave për t’i hartuar strategjitë e zhvillimit ekonomik lokal dhe duhet t’i harmonizuar ato me dekumentin e programit kombëtar për Zhvillimin Ekonomik Lokal 2030”, tha Dogani.
![](https://tvgjilani.com/wp-content/uploads/2024/06/417425684_799545945614736_6805838387987305581_n.jpg)
Mê tej ai shtoi se ky dokument duhet me u dêrgu në MAPlL për të marr ligjshmërinë.
Xhevat Sefaj, zyrtar nga Ministria e Zhvillimit Rajonal, tha se e mbështesin hartimin e strategjisë për Zhvillimin Ekonomik Lokal deri në finalizimin e këtij dokumenti.
Fatmir Zylfijaj, nga Departamenti i Demokratizimit i OSBE-së, tha se kjo strategji duhet të jetë e implementueshme.
Sipas tij, ky dokument duhet të harmonizohet me dokumentet tjera lokale e qendrore.
Më pas u bë prezantimi dhe analiza e të gjitha të dhënave që ka Komuna e Gjilanit, nga zyrtari i Drejtorisë për Zhvillim Ekonomik në Komunës së Gjilanit Fadil Osmani.
![](https://tvgjilani.com/wp-content/uploads/2023/11/libertas2.jpg)