BORD-i i KRU Hidromorava mbanë takim: – Mëtohet avancim i mëtejmë i shërbimeve
Gjilan, 31 gusht 2023 – Mbahet mbledhja e radhës e Bordit të Drejtorëve të Kompanisë së Ujësjellësit “Hidromorava” – SH.A. në Gjilan.
Bordi i Drejtorëve të KRU Hidromorava ka mbajtur mbledhjen e radhës, në selinë e kompanisë, në vazhdën e takimeve të rregullta të saj, ku ka marrë pjesë pashmangshëm edhe kryeshefi ekzekutiv, z. Ymer Salihu.
“Mbledhja është kryesuar nga Kryesuesi i BORD-it, z. Habil Zeqiri, me pjesëmarrjen e menaxhmentit të lartë të Kompanisë, si dhe të anëtarëve tjerë të Bordit, z. Agim Zeka, z. Arban Hoxha, znj. Linda Fazliu, znj. Fillorete Gashi, Sadiku, znj. Ferdane Tahiri – Sylejmani si dhe si dhe Monituruesi i Ndërmarrjeve Publike nga Ministria e Ekonomis, z. Adem Ahmetaj.
“Gjatë takimit, janë diskutuar një sërë pikash me rëndësi të veçantë lidhur me veprimtarinë e Kompanisë, si dhe shërbimin e mirëfillta ndaj konsumatorëve”, shkruan faqja zyrtare e KRU Hidromorava.
Më tej shtohet se në mesin e pikave të shqyrtuara e zhvilluara gjatë takimit, është diskutuar rreth Shqyrtimi dhe Miratimit të raportit për muajin Korrik 2023; pastaj është raportuar për zbatimin e planit të veprimit, UPF-në dhe inkasimin e borxheve ndërsa është bërë edhe analiza e performancës aktuale duke përfshirë efikasitetin e operacioneve dhe përgjegjshmërinë ndaj shërbimit të furnizimit.
Në takim është diskutuar edhe për projektetet e ndërmarrura, ku BORD-i ka vlerësuar progresin e shënuar dhe ndikimin e projekteve të ndërmarrura nga Kompania, kryesisht në infrastrukturën e ujësjellësit, si dhe domosdonë e veprimeve të mëtejme për ruajtjen e burimeve të ujit.
Në fund është folur për nevojën imanente të përmirësimit të shërbimit ndaj Konsumatorëve, ku është theksuar si evident ky përmirësim, me fokus në masat e ndërmarra për të siguruar një shërbim të përsosur dhe të plotë.
Sipas njoftimit të Zyrës për Informim të KRU Hidromorava përmes faqes zyrtare të kompanisë, mbledhja ka sjellë një diskutim të hollësishëm dhe produktiv, që do të ndihmojë në orientimin e veprimeve të ardhshme të kompanisë në funksion të qëndrueshmërisë dhe shërbimit sa më cilësorë për konsumatorë.
Ne fund të takimit, Kryeshefi ekzekutiv Ymer Salihu ka falënderuar dhe shprehur mirënjohje ndaj anëtarëve të BORD-it, me theks të veçantë për përkushtimin maksimal për të ofruar mbështetje të plotë në të gjitha format e mundshme, me qëllim që kompania të realizojë rezultate pozitive në të gjitha sferat e fushëveprimtarisë së saj.
Kryeshefi Ymer Salihu, në fund ka theksuar se qëllimi i bashkëpunimit të mirëfilltë dhe angazhimit të palodhshëm të menaxhmentit e BORD-it, është që të kontribuohet për funksionalitetin e qëndrueshëm dhe me ndikim pozitiv në shoqëri të KRU Hidromorava.
