Mbahen zgjedhjet për Këshillin e Nxënësve në Komunën e Kamenicës

Në këto zgjedhje të rëndësishme, nxënësit përfaqësues të shkollave të mesme të komunës

së Kamenicës votuan në mënyrë të fshehtë për të zgjedhur Kryesinë e re të nxënësve, e cila do të mbrojë dhe promovojë interesat e të gjithë nxënësve.

Pas një procesi rigoroz dhe diskutimeve për planet e tyre të punës, Kuvendi i Anëtarëve zgjodhi Kryesinë e re:

Blend Kastrati – Kryetar

Amar Krasniqi – Nënkryetar

Vedina Hyseni – Anëtare e Kryesisë

Olta Hyseni – Anëtare e Kryesisë

Yllza Maliqi – Anëtare e Kryesisë

Ky është një angazhim që do të ofrojë edhe më shumë dhe do të rrisë komunikimin tonë të përbashkët, duke ndërtuar së bashku një platformë të fuqishme për përfshirjen e të rinjve në vendimmarrje.

Zgjedhjet në nivel komunal organizohen nga KYC-ja, në kuadër të projektit “Këshilli i Nxënësve të Kosovës,” duke na sjellë edhe më afër realizimit të misionit për një të ardhme të ndritur për nxënësit tanë.