Mbahen garat e matematikës “Math Kangaroo 2025”, numër rekord pjesëmarrësish nga Gjilani, Komenica, Artana dhe Presheva
Më 22 mars 2025, në kuadër të Garës Ndërkombëtare të Matematikës “Math Kangaroo 2025”, mbi 250 nxënës të shkollave nga Gjilani, Komenica, Artana dhe Presheva, vërshuan sallat e Universitetit Publik “Kadri Zeka” në Gjilan, për të treguar aftësitë dhe njohuritë e tyre në Matematikë, ka shkruar në faqen e tij profesori universitar Dr. Xhevdet Thaqi.
Plot vullnet, energji, entuziazëm e shpresë, nxënësit e Anamoravës treguan se e dinë matematikën që ua mësojnë mësimdhënsit e tyre, treguan se mund të përballen me sfidat e rrugëtimit të tyre shkollor dhe të gëzojnë prindërit dhe gjithë rrethin me suksesin e tyre!
UKZ, si gjithëmon përkrahë garat e matematikës dhe të gjitha aktivitetet e nxënësve, nga të cilët pret të vazhdojnë studimet dhe të kontribuojnë edhe më shumë në UKZ dhe në tërë vendin!
Gara Ndërkombëtare e Matematikës “Math Kangaroo 2025 u organizua nga Instituti “Atom”, në bashkëpunim me MAShTI-n, DKA-në dhe me përkrahje të UKZ-së, ka theksuar tutje Prof. Dr. Xhevdet Thaqi, në një njoftim inkurajues në faqen personale në rrjete sociale.
