Maturantët e drejtimit të pikturës së shkollës “Adem Kastrati”, diplomojnë me ekspozitë të përbashkët
Është hapur ekspozita e maturantëve, klasa XII/1, drejtimi i pikturës së Shkollës së Mesme të Lartë të Arteve Pamore “Adem Kastrati” në Gjilan, ku nxënësit kanë ekspozuar punimet e tyre impresive nga lënda “Anatomi Akt i Mbrëmjes.”
Profesori Avni Behluli, i cili njëherit ishte kurator, tha se kjo ekspozitë e titulluar “Diploma 2023”, dhe shpërfaqja e punëve nga lënda “Anatomi akt i mbrëmjes”, është promovimi dhe lobimi më i mirë, si dhe nxitje për talentët e ardhshëm që duan të jenë pjesë e kësaj shkolle!
“Në 12-vjetorin pavarsisë së shkollës, është hera e parë që maturantët prezantohen me punën e tyre 1-vjeçare në këtë format. Unë si mësimdhënës i lëndës dhe si kurator i ekspozitë, e emërtova “Diploma 2023”, shtoi ai.
Sipas Behlulit, kjo ekspozitë ishtë një sihariq për nxënësit e klasëve të 10-ta e 11-ta, por edhe për të tjerët.
“Puna e këtyre nxënësve është shumë cilësore, ku lirisht mund të krahasohet me studentë të nivelit më të lartë, pasi përveç detyrave obligative, ata kanë shpërfaqë kreativitet dhe liri shprehëse me mjete në punën e tyre, duke përdorur teknika në mediume të ndryshme”, tha për Tv Gjilani, skulptori Behluli.
