MAPL-ja nënshkruan marrëveshjet, rreth tetë milionë euro për 12 komuna
Ministri i Administrimit e Pushtetit Lokal, Elbert Krasniqi, ka nënshkruar marrëveshje për financimin e projekteve kapitale me kryetarët nga dymbëdhjetë komunat përfituese.
Përmes këtij granti, MAPL-ja dhe donatorët financojnë komunat në projekte, të cilat kanë për qëllim zhvillimin ekonomik lokal, gjithëpërfshirjen dhe digjitalizimin e shërbimeve komunale.
“Kjo garë ka kuptim vetëm kur gara është transparente dhe se kjo garë tashmë ka rëndësi më të madhe, pasi është institucionalizuar dhe bazohet në ligjin përkatës të votuar në Kuvend. Përmes këtij granti, MAPL-ja dhe donatorët financojnë komunat në projekte, të cilat kanë për qëllim zhvillimin ekonomik lokal, gjithëpërfshirjen dhe digjitalizimin e shërbimeve komunale. Urime kryetarëve të komunave përfituese!”, shkroi Krasniqi.
