Manchester Unitedi pranon dy oferta të përmirësuara, por familja Glazers mund të jetë e përfshirë

Gjiganti anglez, Manchester United, është në prag të shitjes. Ora 22:00 ishte afati i fundit kur mund të paraqiteshin ofertat për blerje dhe dy oferta të përmirësuara kanë arritur në derën e familjes Glazers, por frika e tifozëve mbetet se pronarët aktual mund të jenë të përfshirë.

Grupi me bazë në Katar i Sheikh Jassim dhe miliarderi Sir Sim Ratcliffe kanë paraqitur ofertat e përmirësuara në afatin kohor të përcaktuar.

Informacioni i fundit nga Sportsmail sugjeron se të dy ofertat janë në kufirin prej 5,6 miliardë eurosh dhe vërtetojnë raportimet se si Sheikh Jassim dhe Sir Jim Ratcliffe po përgatisnin oferta të përmirësuara. Edhe pse kjo shumë do të kalonte tarifën e rekordeve botërore për një klub sportiv – që aktualisht qëndron në 4,2 miliardë euro të paguara për Denver Broncos të NFL-së – ajo ende është më pak se vlerësimi i Glazers prej 6,8 miliardë eurosh.

Kjo distancë në çmim ka ngjallur frikën se një marrëveshje e plotë e blerjes mund të mos kalojë kufirin. Kjo posaçërisht duke marrë parasysh që të dy ofertuesit besojnë se janë të vetmet palë të interesuara për të blerë klubin plotësisht, një mungesë konkurrence e cila, siç vëren Sportsmail, mund të jetë e dëmshme për rritjen e vlerës së klubit më tej.

Ka shpenzime të tjera të rëndësishme që nuk llogariten në atë ofertë prej 5.6 miliardë eurosh. Sportsmail thekson përmirësimet e nevojshme në Old Trafford, bazën stërvitore të klubit në Carrington, si dhe një shpenzim të madh të pashmangshëm në afatin kalimtar të verës për të kapërcyer diferencën prej 19 pikësh me liderët Arsenal. Për më tepër, ofertat e pjesshme të investimeve mbeten në tryezë – që nuk përfshijnë një blerje të plotë – të cilat do të mbulonin ato kosto të lartpërmendura duke mbajtur Glazers në pushtet.

Sportsmail vëren se mbikëqyrësit e procesit, grupi Raine, mund të marrin në konsideratë reagimin e mundshëm të lidhur me qëndrimin e Glazers. Në çdo rast, grupi ka deri në shtatë ditë për t’iu përgjigjur grupit të fundit të ofertave dhe një raund përfundimtar i ofertave nuk mund të përjashtohet në këtë fazë.