LDK dega në Gjilan – telegram ngushëllimi familjes Ajeti

Lidhja Demokratike e Kosovës dega në Gjilan, gjegjësisht kreu i degës së LDK-së në këtë komunë, Lutfi Haziri, i ka dërguar telegram ngushëllimi familjes së Enes Ajeti të ndjerë, i cili ndërroi jetë të enjten.

Në telegram ngushëllimi vec tjerash theksohet se “Enesi do të kujtohet gjithmonë si një qytetar shembullor i Gjilanit, me virtyte të larta njerëzore, me përkushtim profesional dhe me vlera të rralla familjare e shoqërore. Humbja e tij është e madhe për familjen, miqtë, kolegët dhe për gjithë komunitetin tone”.

Telegrami i Plotë:

TELEGRAM NGUSHËLLIMI

Kryetari i Degës së LDK-së në Gjilan, njëherësh nënkryetar në nivel qendror dhe deputet në Kuvendin e Republikës, z. Lutfi Haziri, i ka dërguar telegram ngushëllimi familjes Ajeti, me rastin e ndarjes nga jeta të Enes Ajetit.

“E nderuar familje Ajeti,

Me dhimbje të madhe mora lajmin për ndarjen nga jeta në moshë të re të Enes Ajetit.

Enesi do të kujtohet gjithmonë si një qytetar shembullor i Gjilanit, me virtyte të larta njerëzore, me përkushtim profesional dhe me vlera të rralla familjare e shoqërore. Humbja e tij është e madhe për familjen, miqtë, kolegët dhe për gjithë komunitetin tonë.

Në emrin tim personal dhe në emër të Degës së LDK-së në Gjilan, shpreh ngushëllimet më të sinqerta për familjen Ajeti, duke u lutur që ta gjejnë forcën dhe ngushëllimin në kujtimet e bukura që la pas Enesi.

Qoftë i përjetshëm kujtimi për të ndjerin!”