Laura Fazliu në finale të Grand Prix në Linz, triumfon me superhedhje ndaj gjermanes Bauer
Xhudistja kosovare Laura Fazliu ka siguruar finalen e turneut prestigjioz Grand Prix Linz 2026 që po mbahet në Linz të Austria.
Në gjysmëfinale të kategorisë deri në 63 kilogramë, Fazliu e mposhti bindshëm gjermanen Sara-Joy Bauer. Xhudistja kosovare fillimisht realizoi një Waza-ari, ndërsa më pas me një superhedhje e përfundoi luftën me Ippon, duke siguruar kështu kualifikimin në finale.
Rrugëtimi i saj drejt finales ishte mjaft i fuqishëm. Fazliu regjistroi fitore bindëse edhe në fazat paraprake të garës, duke mposhtur kundërshtaret e saj dhe duke konfirmuar formën e lartë në këtë turne ndërkombëtar.
Turneu në Linz është pjesë e IJF World Tour, një nga seritë më të rëndësishme të garave në xhudo në nivel botëror, ku marrin pjesë qindra sportistë nga dhjetëra shtete.
Fazliu, e cila garon në kategorinë deri në 63 kilogramë dhe konsiderohet ndër pretendentet për medalje në këtë turne, tashmë do të luftojë në finale për medaljen e artë.
