Lansohet platforma online për Muzetë e Kosovës

EC Ma Ndryshe ka lansuar platformën online për Muzetë e Kosovës.

Aty, aktualisht ofrohen informata për muzetë aktive në Prishtinë, Prizren, Mitrovicë dhe Gjakovë, përfshirë llojin e muzeut, artefaktet e ekspozuara, lokacionin, orarin e punës, kontaktet, etj, me qëllim që ato të jenë më të qasshme për qytetarët dhe turistët.

Përmes saj synohet promovimi i muzeve të Kosovës, rritja e numrit të vizitorëve, orientimi më i lehtë i turistëve, sikurse edhe digjitalizimi i të dhënave të hulumtuara.

Platforma në mënyrë të vazhdueshme do ta pasurohet me informata të duhura për muzetë në Kosovë.

Ky aktivitet është realizuar në kuadër të projektit “Trashëgimia kulturore për të gjithë: Ruajtja, edukimi, zhvillimi dhe inovacioni”, që përkrahet nga Ministria e Kulturës.

Linku i platformës: https://muzeu.info/