Lajmi i Fundit: Vdes në moshën 86-vjeçare Martti Ahtisaari
Ish-presidenti finlandez, Martti Ahtisaari ka vdekur sot në moshën 86-vjeçare.
Lidhur me këtë bën me dije Zyra e Presidentit të Republikës së Finlandës, shkruan mediumi finlandez Ilta-Sanomat.
Ahtisaari ka ndërruar jetë sot, të hënën në orën 06:40 në Helsinki. Ahtisaari ishte presidenti i dhjetë i Finlandës.
Ai mbajti detyrën në vitet 1994–2000. Para presidencës së tij, ai ka mbajtur disa funksione të rëndësishme në Ministrinë e Punëve të Jashtme dhe në OKB.
Pas presidencës së tij, Ahtisaari themeloi organizatën e paqes CMI – Martti Ahtisaari Peace Foundation dhe shërbeu si negociator dhe ndërmjetës për paqen në pozitat ndërkombëtare.
Ahtisaari u nderua me Çmimin Nobel për Paqe në vitin 2008 për punën e tij afatgjatë për paqen.
