Lajmi i Fundit: Jep dorëheqje Salih Kqiku, anëtar i Kryesisë së degës së LDK-së në Gjilan
Përmes një letre publike drejtuar kryetarit të degës Lutfi Haziri dhe kryesisë së degës së LDK-së në Gjilan, anëtari i kësaj dege Salih Kqiku ka dhënë dorëheqje nga strukturat udhëheqëse të degës së partisë dhe nëndegës në Velekincë, ku ishte kryetar!
Në letrën e dorëheqjes nga funksionet e strukturave të LDK-së, dega në Gjilan, Kqiku ka thënë se largohet pasi vlerëson se gjithë kontributi dhe sakrifica personale, por edhe familjare, shihen si të pavlefshme nga ata për të cilët nuk ka kursyer asgjë.
“Ky moment, për mua, është tani, andaj ju njoftoj se po jap dorëheqje nga funksioni i anëtarit të Kryesisë dhe Kryetarit të nëndegës së LDK-së në Velekincë, Gjilan”, ka shkruar Salih Kqiku.
Njoftimi i Plotë:
z.Lutfi Haziri kryetar anëtareve të kryesisë së LDK-së dega Gjilan 11.06.2023.
I nderuar Kryetar Haziri!
Ka disa dekada që me gjithë mundësitë e mia, edhe personale edhe familjare, jam angazhuar në shërbim të Lidhjes Demokratike të Kosovës. Nuk ka pasë privilegj por edhe përgjegjësi më të madhe se sa të jemi në shërbim të idealeve për të cilat kanë besuar elektorati i LDK-së, vecanërisht në Gjilan. Mirëpo, vjen një moment kur njeriu e kupton se i gjithë kontributi e krejt sakrifica ime personale por gjithësesi edhe familjare, shihen si të pavlefshme nga ata për të cilët nuk kemi kursyer asgjë. Ky moment, për mua, është tani, andaj ju njoftoj se po jap dorëheqje nga funksioni i antaritë të Kryesisë dhe Kryetarit të nëndegës së LDK-së në Velekincë, Gjilan.
Vendim ky aspak i lehtë, por i domosdoshëm në rrethanat e krijuara e sidomos pesë vitet e fundit me qellim te degradimit tim dhe familjes time nga ana e individëve të pameritor mbrenda kësaj partie. Aty ku nënqmohen vlerat,profesionalizmi,kontributi dhe shpërblehet e nderohet më shumë serviliteti sesa angazhimi serioz e sakrifica e pafund, nuk është vend për mua.
Kam besuar dhe besoj në idealet e LDK-së, partisë si një akademi politike e ngritur me urtësi të pashoq nga Presidenti Historik tashmë i ndjerë Dr. Ibrahim Rugova. Normalisht se kësaj rruge politike nuk i ndahem, andaj nuk i ndahem as LDK-së si parti shtetformuese e këtyre idealeve.
U jam mirënjohës nga thellësia e zemres të gjithë aktivistëve të LDK-së, e në veçanti atyre të nëndegës sonë. Ata janë gurthemeli i secilit sukses jo të paktë që kem arritë bashkërisht. U jam mirënjohës edhe votuesëve që asnjëherë nuk e humbën besimin tek LDK dhe të gjithë kolegëve në parti, miqëve e dashamirëve që saherë ishte nevoja iu përgjigjen me pozitivitet e besim thirrjes së LDK-së.
Uroj që vendimi im të jetë një nismë e analizave themelore përmbrenda një partije që gjithë secili nga ne e ndërtuam ngapak, dhe me misionin dhe vizionin që gjithmonë të bëjmë dallimin e të mires nga e keqja.
Ju falëmnderit,
Salih Kqiku
