LAJMI I FUNDIT: Grabitje në pompën ‘Ceni Company’ në Gjilan
Pompat e derivateve jo rrallëherë janë cak i hajnave. Kjo dukuri po krijon pasiguri dhe frikë si për qytetarët ashtu edhe për punëtorët që punojnë në këto biznese. Një rast i tillë ka ndodhur edhe mbrëmë në pompën ‘Ceni Company’ në fshatin Lladovë të Gjilanit.
Sinjali mëson se një person i maskuar dhe nën kërcënimin e armës ka arritur të depërtojë brenda hapësirave të pompës, derisa punëtorin e ka zënë gjumit, duke kapur kështu qindra euro dhe më pas ka ikur nga vendi i ngjarjes.
Burimet nga Prokuroria kanë bërë me dije se grabitja është kryer në orët e mëngjesit dhe posa punëtori e ka vërejtur se diçka po ndodh, është zgjuar, por s’ka arritur të kap të dyshuarin, edhe pse e ka ndjekur.
Me t’u denoncuar rasti, Policia ka dalë në vendin e ngjarjes ku kanë kryer ekzaminimet e nevojshme që ndihmojnë në zbardhjen e rrethanave të rastit. Në kuadër të veprimeve hetimore është intervistuar punëtori i kompanisë.
Me urdhër të prokurorit, rasti është cilësuar ‘Grabitje, teksa veprimet tjera ligjore do merren posa të arrestohet i dyshuari.
