LAJMI I FUNDIT – Aksion i madh i Policisë dhe AKI-së në rajonin e Gjilanit
Policia e Kosovës në bashkëpunim me Prokurorinë dhe Agjencinë e Kosovës të Inteligjencës kanë zhvilluar aksion të gjerë në luftimin e lëndëve narkotike në rajonin e Gjilanit.
Fadil Hoti nga Policia e Kosovës ka konfirmuar se me këtë rast janë zbuluar disa sera të pajisura për kultivimin e drogës.
Tre persona janë arrestuar deri më tash dhe është sekuestruar një armë zjarri, ka bërë të ditur ai.
Operacioni, në të cilin një rol kyç ka luajtur AKI-ja në identifikimin e personave të arrestuar dhe identifikimin e lokacioneve, është duke vazhduar, ka konfirmuar Hoti.
