Kuvendi mban një minutë heshtje në nderim të Ahmet Krasniqit
Deputetët e Kuvendit kanë nisur seancën me një minutë heshtje në nderim të 25-vjetorit të vrasjes së kolonel Ahmet Krasniqi.
Propozimi erdhi nga shefi i grupit paralamentar të LDK-së Arben Gashi.
Kryekuvendari Glauk Konjufca tha se për këtë propozim Gashi është konsultuar edhe me grupet tjera parlamentare të cilët janë pajtuar.
Ahmet Krasniqi ishte një kolonel i UÇK-së dhe komandant i Forcave të Armatosura të Kosovës (FARK) gjatë Luftës në Kosovë. Ai u vra më 21 shtator 1998 në Tiranë.
Pas përfundimit të luftës në Kosovë ai u shpall Hero i Kosovës. Krasniqi njihet si “Ministri i Luftës” për nder të veprës së tij patriotike.
