Kurti u uron suksese policëve të rinj të komunitetit joshumicë që kanë nisur punën në veri
Kryeminitsri i Kosovës, Albin Kurti u ka uruar suksese policëve të komunitetit joshumicë të cilët kanë filluar punën këtë javë në veri të vendit.
Përmes një postimi në Twitter, Kurti njoftoi se “45 nga oficerët janë serbë, 16 boshnjakë, 8 romë, ashkali dhe egjiptianë dhe 3 turq”
“Të sapodiplomuarit nga Policia e Kosovës, zyrtarët nga komunitetet joshumicë kanë filluar punën këtë javë në veri të vendit. 45 nga oficerët janë serbë, 16 boshnjakë, 8 romë, ashkali dhe egjiptianë dhe 3 turq. I falënderojmë për shërbimin e tyre dhe i urojmë suksese.”, ka shkruar ai.
