Kurti sërish i quan të përkohshme dhe të padrejta masat e BE-së
Kryeministri i vendit, Albin Kurti, i ka quajtur sërish të përkohshme dhe të padrejta masat e paralajmëruara nga Bashkimi Evropian ndaj Kosovës.
Duke iu referuar këtyre masave, ndër të tjera, ai ka thënë se bëhet fjalë për anulim të vizitave.
“Është e vërtetë që janë paralajmëruar masa të cilat edhe janë zbatuar disa prej tyre. Ju e dini që ushtrimi i madh Defender Europe 2023 sidomos në Gjakovë kur e kishim të planifikuar, u pat anuluar”, ka thënë Kurti
“Bëhet fjalë edhe për anulim të vizitave, por gjithsesi bëhet fjalë për masa të përkohshme e të cilat për bindjen time janë të padrejta”, ka shtuar Kurti.
Tutje, ai ka theksuar se është me rëndësi që në Kuvendin e Kosovës të votohet me 2/3 për kreditë dhe grandet me vlerë prej 149 milionë eurosh.
