Kurti deklarohet për kërcënimet: Vijnë nga individë e struktura nga Beogradi zyrtar, s’jam ndjerë i rrezikuar në Shkup
Kryeministri i Kosovës, Albin Kurti është deklaruar për media rreth kërcënimeve me jetë të cilat dyshohet se i ka pranuar së fundmi.
Ai ka thënë se këto kërcënime vijnë nga Beogradi zyrtar.
I njëjti ka shtuar se nuk është ndjerë i rrezikuar në Shkup, teksa tha se gjatë qëndrimit atje ka pasur forca të shumta policore.
“Kam mësuar se ka shumë kërcënime nga individë e struktura që kanë rrënjët e tyre në Beogradin zyrtar. Mirëpo unë sapo erdha nga Shkupi, nuk jam ndjerë i rrezikuar, veçse kam parë shumë forca policore të cilët u kujdesen për mbledhjen në Shkup”, u shpreh ai.
