Kthimi i mërgimtarëve, një orë e gjysmë pritje në Merdarë për të dalë nga Kosova
Pritjet më të gjata sipas të dhënave të fundit janë në pikën kufitare në Merdarë, shkruan Gazeta Online Reporteri.net.
Për të dalë nga Kosova përmes këtij vendkalimi kufitar, mërgimtarët po presin deri në një orë e gjysmë, pasi kolona këtu është 800 metra.
Deri në 100 metra është kolona te Dheu i Bardhë, ku qytetarët po presin deri në 20 minuta, ndërsa për të hyrë në Kosova vetëm pesë minuta.
Pak më e ngarkuar del të jetë pika kufitare në Muçibabë me një pritje prej 15 minuta.
Pikat tjera kufitare raportohet të jenë qetë.
