Kryetari i Gjilanit, Alban Hyseni solidarizohet, i shprehë ngushëllime familjes së Prof. Dr. Kemajl Kurteshi
Sot ka ndërruar jetë Prof. Dr. Kemajl Kurteshi nga Gjilani. Lajmi për vdekjen e tij është pritur rëndë nga familja e të ndjerit dhe mbarë qytetarët e Gjilanit, të cilët janë solidarizuar me familjen e të ndjerit në këtë ditë të kobshme për ta.
Kreu i Komunës së Gjilanit, Alban Hyseni, me këtë rast ka shprehur dhëmbjen e thellë, duke u solidarizuar njëkohësisht me familjen përmes një shkrimi në faqen tij.
Ai ka thënë se bashkëndjenë me familjen e të ndjerit, ndërsa lajmin e ka cilësuar të trishtë.
“Me pikëllim mora lajmin e trishtë për ndarjen nga jeta të Prof. Dr. Kemajl Kurteshi. Kemajli ishte Profesor Doktor i Biologjisë, i cili dha kontribut të çmuar me angazhimin e tij të palodhshëm për qytetin dhe shtetin tonë. Ngushëllimet më të sinqerta familjes Kurteshi, kolegëve dhe miqve të të ndjerit. Bashkëndjejmë me ju në këto ditë të vështira. Shpirti i tij u prehtë në paqe”, thuhet në postimin e kreut të Komunës së Gjilanit.
